網紅的藏寶箱呢兩班新班，係幾難明😂
「即席煮」，係每個學生拎一款材料嚟，我即席煮出嚟試。攪呢堂係源於朋友提議，佢係遊艇會總廚，話學生玩得好開心，於是我一直想試，終於有機會。
不過，我想試並唔係因為開唔開心，而係我諗到一堂可以有成5-10個食譜，變化又多，大家會好多嘢學。
「家庭菜」，每堂煮嘅嘢都唔同，我會事前問下學生大概想食乜，然後會由洗、切開始教。開呢班，源於我發現好多人都唔太識煮嘢，一係就落豉油、蠔油、醬料，浪費好多卡路里；一係就落果幾粒鹽，幾滴油，結果淡而無味。
其實自己煮嘢好食，對減肥係十分重要，若街嘅嘢好食過自己煮嘅，好容易被吸引咗去，包括屋企人。
但諗諗下，我教啲班都幾奇怪😂
不過重點係，呢兩班適合好學嘅人上。我欣賞勤力而好學嘅人，可以聚埋一齊上一堂，好開心😘
有興趣去報名啦～
Search